Звярнуцца за падтрымкай

У 2024 годзе SCIENCE AT RISK Emergency Office прапаноўвае чатыры фарматы падтрымкі: фінансаванне публічных імпрэз, падтрымка ў крызіснай сітуацыі, ганарары за ўдзел у канферэнцыях, курсы англійскай мовы. Удзел у любым фармаце магчымы пры ўмове праходжання верыфікацыі. Атрымаць фінансавую падтрымку можна толькі адзін раз у год.

Падтрымка правядзення публічных мерапрыемстваў

SCIENCE AT RISK Emergency Office запрашае падаваць заяўкі на фінансавую падтрымку правядзення круглых сталоў, панэльных дыскусій, воркшопаў і іншых публічных мерапрыемстваў з удзелам беларускіх навукоўцаў пад рызыкай. 

Агульная тэматыка мерапрыемстваў 

Эпоха перамен: роля, адказнасць і магчымасці Беларусі ў глабальным і рэгіянальным кантэксце 

Праблемы, з якімі сутыкаюцца беларускія навукоўцы, не абмяжоўваюцца матэрыяльнымі цяжкасцямі і высокай канкурэнцыяй на еўрапейскім акадэмічным рынку. Медыйны ландшафт, тэматычная кан’юнктура еўрапейскіх навуковых праграм і прэкарнасць акадэмічнай працы часта абмяжоўваюць магчымасці правядзення новых даследаванняў і падтрымліваюць састарэлыя наратывы, якія не адпавядаюць ні інтарэсам даследчыкаў, ні запыту публікі. 

Мэта праграмы SCIENCE AT RISK Public Events — правесці ў другой палове 2024 года серыю адкрытых навуковых падзей аб актуальных грамадскіх праблемах і іх значэнні для беларусаў як часткі глабальнай супольнасці. Мы хочам стварыць прастору для экспертнага дыялогу і прыцягнуць увагу публікі да ідэй беларускіх інтэлектуалаў, якія часта застаюцца ў цяні больш вядомых міжнародных экспертаў. 

Чаканы фокус дыскусій — мінулае, сучаснасць і будучыня Беларусі ў кантэксце найбольш актуальных глабальных і рэгіянальных праблем (у т.л. змена клімату, перспектывы зялёнай энергетыкі, міграцыя, наступствы пандэміі, ваенныя канфлікты, глабальныя палітычныя супрацьстаянні, гендарная праблематыка, правы паварот у палітыцы краін ЕС, глабальная няроўнасць, палітыка ідэнтычнасці, рэвалюцыя ў галіне генератыўных моўных мадэляў (AI), эканамічныя трансфармацыі, постсавецкі транзіт у краінах Усходняй Еўропы і г.д.). 

Мы заклікаем знайсці новы разварот для вузкіх тэм індывідуальных даследаванняў і раскрыць іх для шырокай публікі, даследчыкаў з іншых дысцыплін і замежных калегаў. Мы запрашаем да ўдзелу ў тым ліку даследчыкаў з тэхнічных і натуральна-навуковых абласцей, а таксама магістрантаў, аспірантаў і незалежных даследчыкаў.   

Умовы ўдзелу 

Вы можаце падаць заяўку на правядзенне мерапрыемства праз форму на нашым сайце. Заяўку падае адзін з удзельнікаў, указваючы імёны і прозвішчы іншых магчымых удзельнікаў у адпаведным полі заяўкі. 

Дэдлайн падачы заявак — 9 чэрвеня 2024 года. 

Акрамя індывідуальных дадзеных у заяўцы неабходна апісаць канцэпцыю мерапрыемства, а таксама пазначыць папярэднюю назву, фармат, дату і імёны патэнцыйных удзельнікаў, а таксама іх ролю ў мерапрыемстве. 

SCIENCE AT RISK Emergency Office фінансуе мерапрыемствы з удзелам як мінімум аднаго навукоўцы, які можа быць верыфікаваны як беларускі навукоўца пад рызыкай. Крытэрыі верыфікацыі глядзіце тут. Памер ганарараў адрозніваецца ў залежнасці ад статуту рызыкі і ролі ў мерапрыемстве. 

Мы таксама аказваем падтрымку ў правядзенні мерапрыемства, а менавіта: пошуку дадатковых удзельнікаў пад рызыкай, пошуку мадэратараў і партнёраў з нямецкіх універсітэтаў і даследчых арганізацый, пошуку перакладчыкаў, дапрацоўцы канцэпта мерапрыемства ў адпаведнасці з агульнай задумай серыі, прыцягненні публікі і падрыхтоўцы промаматэрыялаў.  

Працэдура адбору і правядзення мерапрыемстваў

• SCIENCE AT RISK Emergency Office прымае заяўкі да 9 чэрвеня і разглядае іх да 17 чэрвеня, пасля чаго запрашае адабраных аплікантаў на сустрэчу для ўдакладнення дэталяў, дапрацоўкі канцэпта ў выпадку неабходнасці, распрацоўкі плана падрыхтоўкі і правядзення мерапрыемства і г.д.  
• Усе мерапрыемствы павінны быць праведзены да 6 снежня 2024 года. Выплаты ажыццяўляюцца на працягу некалькіх тыдняў пасля правядзення мерапрыемства. Тэрмін выплаты залежыць ад бягучай загрузкі арганізацыі.   
• Пасля пацверджання ўдзелу ўсе ўдзельнікі павінны зарэгістравацца на платформе SCIENCE AT RISK Emergency Office для праходжання верыфікацыі і заключэння кантракта.  
• Падача заяўкі не гарантуе атрыманне фінансавання.  

Крытэрыі адбору: 

• актуальнасць заяўленай тэмы, навуковы патэнцыял праблематыкі; 
• удзел навукоўцаў пад рызыкай (мінімум палова ад усіх удзельнікаў). 

Перавага аддаецца: 

• інтэрдысцыплінарным праектам з магчымым міжнародным супрацоўніцтвам, 
• мерапрыемствам з пацверджаным каардынатарам, 
• мерапрыемствам, удзельнікі якіх не атрымліваюць на дадзены момант інстытуцыйную падтрымку і не атрымлівалі падтрымку ад SCIENCE AT RISK у мінулым годзе.  

Індывідуальная падтрымка навукоўцаў пад рызыкай 

У 2024 годзе SCIENCE AT RISK Emergency Office будзе аказваць індывідуальную фінансавую падтрымку беларускім вучоным, якія апынуліся ў крытычных сітуацыях. 

Вы можаце падаць заяўку на атрыманне індывідуальнай фінансавай падтрымкі, калі вы адпавядаеце крытэрыям верыфікацыі і: 

• былі вымушаныя пакінуць Беларусь на працягу апошніх шасці месяцаў з прычыны пераследу рэжыму і/ці акадэмічных рэпрэсій, якія звязаны з выказваннем палітычнай пазіцыі і перашкаджаюць навуковай дзейнасці (палітычныя звальненні, арышты, забарона на публікацыі і г.д.); 
• знаходзіцеся ў Беларусі і занесеныя ў “чорныя спісы”, г.зн. фактычна не можаце знайсці працу ў акадэмічнай сферы; 
• былі вымушаныя пакінуць Беларусь раней, чым за апошнія шэсць месяцаў, але апынуліся ў сітуацыі, якая патрабуе экстранай фінансавай падтрымкі (напрыклад, поўная страта даходу, паўторная эміграцыя, раптоўныя выдаткі, звязаныя з пагаршэннем здароўя, легалізацыяй і г.д.).  

Індывідуальная фінансавая падтрымка прадастаўляецца пры ўмове ўдзелу ў апытанні а досведзе рэпрэсій і стане беларускай акадэмічнай супольнасці. Вынікі апытання захоўваюцца выключна для ўнутранага карыстання SCIENCE AT RISK Emergency Office і перадачы донару (Федэральнае Міністэрства замежных спраў Германіі) у працэсе падрыхтоўкі справаздачы. 

Мы прымаем заяўкі на індывідуальную фінансавую падтрымку беларускім навукоўцам, якія апынуліся ў крытычных сітуацыях, да 10 снежня 2024 года або да вычарпання сродкаў.  

Падтрымка ўдзелу ў канферэнцыях 

У 2024 годзе SCIENCE AT RISK Emergency Office аказвае індывідуальную фінансавую падтрымку беларускім навукоўцам для ўдзелу ў міжнародных навуковых канферэнцыях афлайн (якія патрабуюць паездкі ў іншы горад/краіну) і анлайн. 

Вы можаце падаць заяўку на ўдзел у канферэнцыі праз форму на нашым сайце пры ўмове адпаведнасці крытэрыям верыфікацыі і надання дакументальнага пацверджання ўдзелу.  

Дэдлайн падачы заявак — 15 верасня 2024 года.  

У сувязі з асаблівасцямі праектнага цыкла мы не можам фінансаваць удзел у канферэнцыях, якія завяршаюцца пазней за 1 снежня 2024 года. Звярніце ўвагу, што ганарар не можа быць выплачаны да даты выступу на канферэнцыі. 

Курсы англійскай мовы  

SCIENCE AT RISK прапануе інтэнсіўны анлайн-курс англійскай мовы для навукоўцаў з групы рызыкі. 

Курс накіраваны на развіццё навыкаў паўсядзённай камунікацыі і навыкаў, неабходных для працы ў акадэмічным асяроддзі. У задачы курса ўваходзіць не толькі паляпшэнне агульных навыкаў валодання мовай, такіх як чытанне, разуменне і пісьмо, але і дапамога ўдзельнікам у развіцці кампетэнцый, неабходных у працы на англійскай мове ў акадэмічных інстытуцыях. 

Удзел у курсе дазволіць авалодаць асноўнымі структурамі і тэрміналогіяй, неабходнымі для напісання эсэ, навуковых артыкулаў, справаздач і іншых акадэмічных тэкстаў, палепшыць навыкі аўдзіравання і разумення навуковай лексікі, а таксама развіць упэўненасць і навыкі вуснай камунікацыі. 

У 2024 набор на курсы завершыўся, мы не маем магчымасці прыняць дадатковых удзельнікаў праз абмежаваны памер груп.

Крытэрыі верыфікацыі

Вы можаце падаць заяўку на ўдзел у праграме SCIENCE AT RISK Emergency Office, калі адпавядаеце наступным крытэрыям: 

• 9 жніўня 2020 года вы з’яўляліся грамадзянінам/грамадзянкай Беларусі або мелі дзейны беларускі ВНЖ;
• на момант рэпрэсій вы займаліся выкладчыцкай ці даследчай дзейнасцю ў адной з наступных інстытуцый:
  • Акадэмія навук, дзяржаўныя ці прыватныя ўніверсітэты;
  • гістарычныя архівы і музеі (на пасадзе навуковага супрацоўніка); 
  • аналітычныя цэнтры; 
  • арганізацыі грамадзянскай супольнасці. 

Што мы лічым рэпрэсіямі/пагрозай рэпрэсій з боку беларускага рэжыму:

• палітычна матываванае затрыманне/арышт (у тым ліку членаў сям’і і калег)/пагроза затрымання;
• палітычна матываванае звальненне/непадаўжэнне кантракта;
• ліквідацыя НДА, у якой працавалі апліканты і апліканткі;
• занясенне ў «чорныя» спісы, што фактычна цягне за сабой немагчымасць знайсці працу па спецыяльнасці;
• прымус пакінуць краіну пад пагрозай адкрыцця крымінальнай справы

Мы разглядаем кожны выпадак індывідуальна і не абмяжоўваемся толькі ўказанымі вышэй праявамі рэпрэсій. 

Дакументы, неабходныя для пацверджання рэпрэсій/пагрозы рэпрэсій:

• пратаколы затрыманняў/вобшукаў, позва на допыт у КДБ;
• дакументы, якія пацвярджаюць статус назіральніка ці назіральніцы на выбарах або сяброўства ў перадвыбарных штабах прадэмакратычных кандыдатаў і кандыдатак на пасаду прэзідэнта;
• апавяшчэнне аб непадаўжэнні кантракта/звальненні або адпаведныя запісы ў працоўных кніжках;
• дакументы, якія пацвярджаюць звальненне па ўласным жаданні як пратэст супраць фальсіфікацыі выбараў;
• рэкамендацыйныя лісты ад прадэмакратычных арганізацый грамадзянскай супольнасці;
• подпіс у адкрытых лістах супраць фальсіфікацыі выбараў як удзельнік/удзельніца прафесійных і іншых супольнасцяў;
• пацвярджэнне супрацоўніцтва з экстрэмісцкімі медыя і арганізацыямі;
• пацвярджэнне правядзення даследаванняў/маніторынгаў і г.д. для беларускіх прадэмакратычных арганізацый;
• іншыя пацверджанні публічнай і непублічнай палітычнай дзейнасці.

Пытанні і адказы 

Ці можна заявіць больш за адно мерапрыемства? 

Пажадана падаваць толькі адно мерапрыемства, але калі ў вас ёсць распрацаваны канцэпт і дастатковая колькасць удзельнікаў для некалькіх звязаных паміж сабой падзей, мы абавязкова разгледзім вашу заяўку. 

На якой мове падаваць заяўку?

На беларускай, рускай, англійскай ці нямецкай. Працоўная мова мерапрыемства можа быць любой.  

Ці можна падаць мерапрыемства ў фармаце, не ўказаным у спісе на сайце (напрыклад, запіс серыі падкастаў або лекторый)? 

Так, вы можаце прапанаваць свой фармат, і мы разгледзім вашу заяўку. Калі заяўка будзе мець патэнцыял, але выдаткі на правядзенне прапанаванага фармату будуць немэтазгодныя ці адхіляцца ад усталяваных грантадаўцам рамак праекту, SCIENCE AT RISK прапануе разгледзець магчымасць правядзення мерапрыемства ў іншым фармаце. 

Якая мінімальная і максімальная колькасць удзельнікаў? 

Мінімальная колькасць — адзін удзельнік са статусам рызыкі. Максімальная колькасць — дзесяць удзельнікаў. Аптымальная колькасць — ад чатырох да шасці ўдзельнікаў, уключаючы тэхнічныя ролі. 

Што значыць роля каардынатара? Ці магу я быць каардынатарам і выступіць на мерапрыемстве? 

Каардынатар — гэта чалавек, які бярэ на сябе адказнасць за камунікацыю з прадстаўнікамі SCIENCE AT RISK і астатнімі ўдзельнікамі мерапрыемства, а таксама адказвае за канцэптуалізацыю і арганізацыю мерапрыемства. Каардынатар удзельнічае ў сустрэчах з SCIENCE AT RISK па падрыхтоўцы мерапрыемства, накіроўвае ўдзельнікам спасылкі на формы, дамовы, промаматэрыялы і іншыя дадзеныя з боку SCIENCE AT RISK, а таксама збірае неабходныя дадзеныя ад удзельнікаў і перадае іх нам. Каардынатар не павінен быць дакладчыкам ці мадэратарам, але можа зрабіць гэта. Пры сумяшчэнні роляў каардынатару ўсё роўна выплачваецца адзін ганарар.

Ці можаце вы даць памяшканне для мерапрыемства? 

SCIENCE AT RISK не дае памяшкання для правядзення афлайн-мерапрыемстваў і не аплачвае выдаткі на іх арэнду, але мы можам абмеркаваць магчымасць выкарыстання памяшканняў партнёрскіх арганізацый. 

Ці аказваеце вы візавую падтрымку для навукоўцаў, якія жадаюць прыняць удзел у мерапрыемстве, але знаходзяцца ў Беларусі? 

На жаль, SCIENCE AT RISK не надае візавую падтрымку. 

Ці магу я выступаць ананімна ці пад псеўданімам? 

Так, але конкурс разлічаны на правядзенне публічных мерапрыемстваў, а таксама распаўсюджванне інфармацыі пра іх у медыя і відэазапіс. Калі вам небяспечна выступаць публічна, паколькі вы знаходзіцеся ў Беларусі, запоўніце заяўку на індывідуальную падтрымку ў крытычнай сітуацыі.